Atyraý oblysynda jyl basynan beri 19 adam sýǵa ketti
ATYRAÝ. QazAqparat – Atyraý oblysynda jyl basynan beri 19 adam sýǵa ketken. Kóz jumǵandardyń arasynda 6 bala bar, dep habarlaıdy QazAqparat.
Buǵan deıin Atyraýda jasóspirim Jaıyqqa batyp ketkeni habarlanǵan bolatyn.
Oblystyq tótenshe jaǵdaılar departamenti baspasóz qyzmetiniń aqparatyna qaraǵanda, 18 shildede taǵy eki adamnyń Jaıyq ózenine batqany belgili bolyp otyr.
«Jaıyq ózeniniń Geolog eldi mekeni tusynda 38 jastaǵy er adam sýǵa batyp ketti. Sondaı-aq, Mahambet aýdanynyń Taldykól aýylynda Ózbekstan Respýblıkasynyń 48 jastaǵy azamaty balyqshylardyń Jaıyq ózenine qurǵan toryna oratylyp qalǵan», - dep habarlady departamenttiń baspasóz qyzmetinen.
