Atyraý oblysynda jyl basynan beri 174 adam qutqarylǵan

ATYRAÝ. QazAqparat – Atyraý oblysynda jyl basynan beri tótenshe jaǵdaıdan 174 adam qutqaryldy. Al, 104 adam qaýipsiz jerge evakýatsııalandy, dep habarlaıdy QazAqparat tilshisi.

Bul týraly Tótenshe jaǵdaılar mınıstriniń orynbasary Mereke Pishembaev Atyraý oblysynyń turǵyndarymen onlaın kezdesýde málim etti.

«Atyraý oblysyndaǵy ahýal turaqty. Jyl basynan beri tótenshe jaǵdaılar sany 15,1%-ǵa tómendedi. Osy kezeńde 246 jaǵdaı tirkelip, qaza tapqandar sany 25%-ǵa azaıdy. Oblystyq departamenttiń qyzmetkerleri 1 400-den astam shaqyrtýǵa bardy. Tótenshe jaǵdaı sıpatyndaǵy oqıǵalardan 174 adamdy qutqaryp, 104 adam qaýipsiz jerge evakýatsııalady», -dedi Mereke Pishembaev.

Bıylǵy 1 qazannan beri 71 265 turǵyn úı esepke alynǵan. Onyń ishinde áleýmettik turmysy tómen toptaǵy otbasylar turatyn 2 001, eskirgen 239 úı bar.

Jylytý maýsymy bastalǵannan turǵyn úılerge 21 gaz datchıgi ornatylǵan.

Sondaı-aq, 1 860 gektar aýmaqta 5 orman órti tirkelgen Buul byltyrǵy jylmen salystyrǵanda 28%-ǵa az.

«Qazir Atyraý oblysynda 14 memlekettik órt sóndirý bólimi men jergilikti atqarýshy organdar tarapynan qurylǵan 11 órt sóndirý beketi jumys isteıdi. Qysqy kezeńdegi yqtımal tótenshe jaǵdaılardy joıýǵa jumyldyrylatyn azamattyq qorǵaý qyzmetteriniń quramyna 1 057 adam men 295 tehnıka tartylyp otyr», -dedi Meıram Pishenbaev.

Eske sala ketelik, budan buryn Atyraý oblysynda joǵalǵan úsh adam bir kúnnen soń tabylǵanyn jazǵan edik.