Atyraý oblysynda jyl basynan beri 14 adam joǵalyp ketken
ATYRAÝ. QazAqparat – Atyraý oblysynda jyl basynan beri 14 adam joǵalyp ketken. Eki adam óli kúıinde tabylyp, bir adamdy izdeý toqtatylǵan, dep habarlaıdy QazAqparat.
Oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń bastyǵy, azamattyq qorǵaý podpolkovnıgi Maqsot Espolovtyń málimetinshe, jyl basynan beri tótenshelikterge 82 avarııalyq-qutqarý is-sharasy tirkelgen.
«Óńir turǵyndarynyń moblıdik telefon nómirine aýa-raıynyń qolaısyzdyǵy týraly eskertý úzdiksiz jiberiledi. Alaıda, turǵyndar mundaı eskertýge nemquraıly qaraıdy. Ásirese, aýdandarda turatyn turǵyndardyń tarapynan aýa-raıynyń qolaısyzdyǵyna qaramastan, jolǵa shyǵý, maldy óriske shyǵarý deregi azaımaı otyr. Máselen, 4 adam mal baǵyp júrip, al, 2 adam belgisiz sebeppen iz-túzsiz joǵalǵan. Qutqarýshylar joǵalǵandardy jedel izdestirip, aman-esen tapty. Sondaı-aq, barar jerine jetpeı, joǵalyp ketken 5 adam otbasyna qaıtaryldy. Ókinishke oraı iz-túzsiz joǵalǵan 1 er adam men 1 bala sýdan, taǵy bir er adam Jylyoı aýdanyndaǵy Sarytaqyr ýchastoginiń shyǵys ońtústiginde daladan óli kúıinde tabyldy», -deıdi Maqsot Espolov.
Onyń aıtýynsha, bir adamdy izdestirý is-sharasy nátıjesiz bolǵan. Qutqarýshylar joǵalyp ketken adamdy 6 kún boıy izdegen.
Joǵalǵan adamdardy izdestirý jumystaryna órt sóndirý bólimderinen 83 qyzmetker men 24 tehnıka tartylǵan.
Eske sala ketelik, budan buryn Atyraý oblysynda jyl basynan beri 5 adam joǵalyp ketkenin jazǵan bolatynbyz.
