Atyraý oblysynda jyl basynan beri 10 bala terezeden qulaǵan
Atyraý oblystyq balalar aýrýhanasynyń baspasóz qyzmetinen málim etkendeı, byltyr 32 bala bıikten qulap, aýrýhanaǵa túsken.
Al, bıylǵy jyl basynan beri turǵyn úı terezesinen 10 búldirshin qulap ketken.
Balalar aýrýhanasynyń neırohırýgy Shoder Arıpovtyń aıtýynsha, kóbine mundaı jaıtqa 2-6 jastaǵy balalar tap bolady.
«Terezen qulaýǵa balalardyń masany ótkizbeý úshin qoıylǵan torǵa súıkenýden bolady. Óıtkeni, terezedegi moskıttik tor balalardyń salmaǵyna shydamaı, jyrtylyp ketedi. On balanyń toǵyzy jerge baspen qulaıdy. Bul balanyń mıynan aýyr jaraqat alýyna sebepshi bolady. Mundaı kezde balanyń mıy shaıqalady. Mıdaǵy kez kelgen jaraqattyń saldarynan bala psıhıkologııalyq aýytqýǵa ushyraıdy. Tipti ózin ózi ustaýy buzylady. Al, aýyr jaraqat alǵan búldirshin múgedek bolyp qalýy nemese kóz jumýy múmkin», -deıdi Shoder Arıpov.
Osyǵan oraı oblystyq tótenshe jaǵdaılar departamentiniń qoǵammen baılanys toby qaýipsizdik sharalaryn saqtaýdy usynyp otyr.
«Birinshiden, balalardyń terezeden qulaýyna úıde jalǵyz qalýy sebep bolady. Ekinshiden, balalardyń tereze jaqtaýyna shyqpaýy úshin oǵan jaqyn tusqa jıhaz, ne ózge de buıymdardy qoımaý kerek. Úshinshiden, moskıttik tordyń balalardy qulaýdan saqtamaıtynyn eskergen jón. Tórtinshiden, terezege ashýǵa kedergi keltiretin arnaıy tetikti ornatý qajet», -dep málim etti departamenttiń qoǵammen baılanys tobynan.
Eske sala ketelik, buǵan deıin Atyraý oblysynda jyl basynan beri 90-ǵa jýyq bala joǵalǵanyn habarlaǵan bolatynbyz.
