Atyraý oblysynda jyl basynan 3 bala ysty gazǵa ýlanǵan
ATYRAÝ. QazAqparat – Atyraý oblysynda jyl basynan beri 17 órt oqıǵasy tirkeldi, dep habarlaıdy QazAqparat.
Oblystyq Tótenshe jaǵdaılar departamenti baspasóz qyzmetiniń málimetine súıensek, turǵyn úı̆ sektorynda – 10, kólik quraldarynda – 3, basqa da nysandarda 4 órt jaǵdaıy bolǵan.
«Órttiń deni elektr quralyn montajdaý jáne tehnıkalyq paı̆dalaný qaǵıdalaryn buzý saldarynan tutanǵan. Peshtiń aqaýynan ýly gazǵa 3 bala ýlanyp, aýrýhanada emdelip shyqty. Jalynnyń tutanýyna basty sebep – otty paıdalanýdaǵy abaısyzdyq. Sondaı-aq, mas kúıinde temeki shegý, turmystyq gaz quraldaryn, peshti, elektr jabdyqtary men aspaptaryn paıdalaný kezindegi órt qaýipsizdigi erejeleriniń buzylýy da oqys oqıǵaǵa alyp keledi», - dep málim etti departamenttiń baspasóz qyzmetinen.
