Atyraý oblysynda jumysshy kolonııaǵa kóp mólsherde telefon kirgizbek bolǵan
ASTANA. QazAqparat - Qylmystyq-atqarý júıesi komıteti kolonııaǵa kóp mólsherde uıaly telefondardy kirgizbek bolǵandardyń áreketi týraly málim etti, dep habarlaıdy «QazAqparat» HAA vedomstvonyń baspasóz qyzmetine silteme jasap.
«Atyraý oblysynda kolonııa aýmaǵyna engizý kezinde kóp mólsherde uıaly telefondar, qulaqqaptar, qýattandyrǵyshtar men sım-kartalar alyndy», - delingen habarlamada.
Tekserý bólmesinde rentgen qurylǵysynan kólemi 1,5*1,5 metr, qalyńdyǵy 3 santımetr aǵash fanerany ótkizý kezinde tyıym salynǵan zattar anyqtalǵan. Aǵash faneranyń ishinen 27 dana uıaly telefon, qulaqqap, qýattandyrǵysh pen sım-karta tabylǵan.
Atalmysh tyıym salynǵan zattardy nysan aýmaǵyna jetkizbek bolǵan «Eńbek - Atyraý» RMK jumysshylarynyń biri Atyraý ІІB tergeý-jedel tobyna túsinik bergen. Bul fakti Aqparatty tirkeý kitabyna tirkeldi.
