Atyraý oblysynda júkti bolyp qalǵan oqýshylar sany azaıǵan
ATYRAÝ. QazAqparat - Bıyl Atyraý oblysynda tórt qyz bala júkti bolyp qalǵan, dep habarlaıdy QazAqparat tilshisi.
Bul týraly búgin oblys ákiminiń janyndaǵy qoǵamdyq keńes otyrysynda qala ákimi Serik Shapkenov aıtyp berdi.
«Sońǵy eki jyl ishinde 15-17 jas aralyǵyndaǵy kámeletke tolmaǵandardyń arasynda júkti bolyp qalǵan oqýshy qyzdar sany azaıǵany baıqalady. Eger 2016 jyly qalada kámeletke tolmaǵan 23 júkti oqýshy qyzdar tirkelse, ótken jyly dál osyndaı 8 fakti bolǵan. Bıyl qalalyq bilim berý bóliminiń mamandary 4 erte júktilik oqıǵasyn esepke aldy», - dedi S.Shapkenov.
