Atyraý oblysynda júk kóligi jeńil kólikpen soqtyǵysty: japa shekkender bar
ATYRAÝ. QazAqparat - Atyraý oblysynda júk kóligi jeńil kólikpen soqtyǵysty, dep habarlaıdy QazAqparat tilshisi.
«Jol-kólik oqıǵasy Qulsary-Dossor jolynda bolǵan. Júk kóliginiń soqtyǵysýy saldarynan eki adam zardap shekken. Olar Qulsary qalasynyń aýrýhanasyna jetkizildi. Jaraqat alǵan adamdardyń bireýinde bas súıek-mı jaraqatynyń jabyq túri anyqtalyp, sol jaq qabyrǵasy synǵan. Ekinshi adamnyń keýde qýysy janshylyp, sol jaq qabyrǵalary synǵan», - dep málim etti Atyraý oblysy Densaýlyq saqtaý basqarmasynyń baspasóz qyzmeti.
Oblystyń ІІD jol-kólik apatynyń sebepterin áli habarlamady.
