Atyraý oblysynda júk kóligi tirkemesiniń 24 dóńgelegi janyp ketti
ATYRAÝ. QazAqparat – Atyraý oblysynda júk kóligi tirkemesiniń 24 dóńgelegi janyp ketti, dep habarlaıdy QazAqparat.
Oblystyq tótenshe jaǵdaılar departamentiniń baspasóz qyzmetinen málim etkendeı, júk kóliginiń tirkemesi keshe, 2 naýryzda «Dossor-Qulsary» jolynda órtengen.
«Tańerteńgi saǵat 7:24-te atalǵan baǵyttaǵy joldyń 63-shaqyrymynda «SCANIA R-500» markaly júk kóliginiń tirkemesinen órt shyqqan. Tirkemege tıelgen krannyń dıametri 1 219 mm bolatyn 2 bekitkishi órtendi. Buǵan qosa, tirkemeniń 24 dóńgelegi janyp ketti. Órt saǵat 08:47-de oqshaýlanyp, saǵat 09:07-de sóndirildi», -dep habarlady departamenttiń baspasóz qyzmeti.
Tirkemedegi dóńgelektiń kúpsheginiń qyzýynan órt shyqqany anyqtaldy.
Jalyndy sóndirýge №12 mamandyrylǵan órt sóndirý bóliminiń 4 qyzmetkeri men 1 tehnıkasy jumyldyryldy.
Eske sala ketelik, buǵan deıin Teńiz ken ornynda bolǵan órtte bir tehnıka janyp ketkenin jazǵan bolatynbyz.
