Atyraý oblysynda jolaýshylar avtobýsy sýǵa túsip ketti
ATYRAÝ. QazAqparat – Atyraý oblysynda jolaýshylar avtobýsy jol jıegindegi sýǵa túsip ketti, dep habarlaıdy QazAqparat tilshisi.
Atyraýdan kórshiles Mańǵystaý oblysyndaǵy Beıneý aýyly men Batys Qazaqstan oblysynyń Oral qalasyna jolaýshylar avtobýsy qatynaıdy. Keshe, 4 mamyrda Beıneýden kele jatqan jolaýshylar avtobýsy joldan túsip ketken.
Jol-kólik oqıǵasy keshe saǵat 11:00 shamasynda bolǵan. Bul derekti oblystyq polıtsııa departamentiniń baspasóz qyzmeti rastady.
«Mańǵystaý oblysynyń Beıneý aýylynan Atyraýǵa kele jatqan jolaýshylar avtobýsy respýblıkalyq mańyzy bar «Atyraý-Dossor-Qulsary-Beıneý» jolynyń 109-shaqyrymynda kúre joldan túsip ketti. Avtobýstyń rýlinde 1984 jyly týǵan er adam bolǵan. Júrgizýshi kóliktiń basqarý júıesin ıgere almaı qalǵan. Bul avtobýstyń joldan shyǵyp ketýine sebep boldy. Sóıtip, avtobýs jol jıegindegi sýǵa túsip ketken», -dep habarlady polıtsııa departamentiniń baspasóz qyzmetinen.
Sol kezde avtobýstyń salonynda 10 jolaýshy bolǵan. Jolaýshylar din aman.
Eske sala ketelik, budan buryn Atyraý oblysynda jol erejesin baqylaıtyn mobıldi qosymsha iske qosylǵanyn jazǵan edik.
