Atyraý oblysynda jol jóndeý kezinde jumysshy qaza tapty
ATYRAÝ. QazAqparat - Atyraý oblysynda jol tegisteýshi kólik basyp ketken jumysshy kóz jumdy, dep habarlaıdy QazAqparat tilshisi.
Oblystyq tótenshe jaǵdaılar departamenti baspasóz qyzmetiniń málimetinshe, qaıǵyly oqıǵa Atyraý oblysynyń Qyzylqoǵa aýdanynda bolǵan. «Aqtóbe - Atyraý - Astrahan» avtojolynyń bir ýchaskesinde jol jóndeý jumystary júrip jatqan.
Bir kezde jol tegisteýshi kóliktiń júrgizýshisi abaısyzda ýchaske bastyǵynyń aıaǵyn basyp ketken.
Zardap shekken adam aýrýhanaǵa barar jolda qaıtys boldy.
Oblystyq polıtsııa departamenti adam ólimi boıynsha tergeý júrip jatqanyn habarlady.
