Atyraý oblysynda jol jabyldy
ATYRAÝ. QazAqparat – Atyraý oblysynda jol jabyldy, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń málimetinshe, búgin saǵat 00:30-da Atyraý oblysynda aýa raıynyń qolaısyzdyǵyna, naqtysynda kóktaıǵaqqa baılanysty A-28 «Atyraý - Inder» oblystyq mańyzy bar jolda kólik qozǵalysy shekteldi.
«Atalǵan baǵyttaǵy joldyń Besikti aýylynan Inderbor kentine deıingi ýchaskesinde barlyq avtokólik túri úshin qozǵalys jabylǵan edi. Búgin 27 jeltoqsanda tańerteńgi saǵat 10: 00-den bastap avtokólikterdiń barlyq túri úshin jol ashyldy.
Biraq, saǵat 08:30-dan bastap aýa raıynyń qolaısyzdyǵyna baılanysty (kóktaıǵaq) Atyraý oblystyq jolaýshylar kóligi jáne avtomobıl joldary basqarmasynyń málimetine sáıkes, oblystyq mańyzdaǵy «Mııaly kenti-Saǵyz stantsııasy» ýchaskesinde barlyq avtokólik túrlerine qozǵalys jabyldy.
Joldaǵy kóktaıǵaqqa baılanysty tótenshe jaǵdaılar departamenti turǵyndardan jolda abaı bolýdy, tynyshtyq saqtaýdy, asa qajettilik bolmasa úıden shyqpaýdy suraıdy», ‐ dep habarlaıdy departamenttiń baspasóz qyzmeti.
