Atyraý oblysynda jol qurylysynan 6 aıda 119 aqaý anyqtaldy
«Jol aktıvteriniń ulttyq sapa ortalyǵy» RMK Atyraý oblystyq fılıalynyń bólim bastyǵy Nurlan Jantýrınniń aıtýynsha, 6 aıda 76 nysanǵa 201 ret tekserý júgizilgen.
«Óńirlik fılıaldyń ınjenerleri jergilikti 53 nysannan 62 aqaý tapty. Onyń 25-i óreskel aqaý sanatyna jatady. Al 55 aqaý áli kúnge deıin qalpyna keltirilgen joq. Jol qurylysyna paıdalanylatyn materıaldardan 485 synama alyndy. Synymanyń 159-i talapqa saı emes», - dep habarlady Nurlan Jantýrın.
Onyń deregine súıensek, respýblıkalyq joldarǵa paıdalanylyp jatqan qurylys materıaldarynan alynǵan 263 synama zerthanada tekserilgen. Sonyń nátıjesinde 65 synama QR Standarttaryna saı emes bolyp shyqqan.
«Sapasyz dep tanylǵan 1116 sharshy metr asfaltbeton jabyndysy, 5 tekshe metr jáne 259 dana temir beton konstrýktsııasy qaıta aýystyryldy. Ótken jyly «Aqtóbe – Atyraý – RF shekarasy (Astrahan baǵyty)» avtomobıl jolynyń 553-598 shaqyrym aralyǵyndaǵy ortasha jóndeý jumystarynan (jol jabyndysyna bıtýmnyń shyǵýy, avtomobıl dóńgelegi áserinen túsken syzat) jáne osy jyly kepildik merzimi boıynsha anyqtalǵan aqaýlar (qara qıyrshyqtastyń ushýy 120 500 sharshy metr) osy kezge deıin joıylmady. Qazir jalǵan jol kepildik merziminde tur.
Aýa raıynyń qolaıly kezinde aqaýlardy tolyǵymen joıý úshin «QazAvtoJol» AQ Atyraý oblysy boıynsha fılıalyna hat joldandy», - dep málim etti Nurlan Jantýrın.
Budan buryn Atyraýdan Reseımen shekaraǵa deıingi joldy jóndeýge 18 mlrd teńge bólingenin habarlaǵan edik.
