Atyraý oblysynda jol qurylysynan 151 kemshilik anyqtaldy
ATYRAÝ. QazAqparat – Atyraý oblysynda jol qurylysynan 151 kemshilik anyqtaldy. Onyń ishinde 41 óreskel aqaý bar, dep habarlaıdy QazAqparat.
«Jol aktıvteri ulttyq sapa ortalyǵy» RMK oblystyq fılıalynyń dırektory Bekbol Muqashovtyń málimetinshe, respýblıkalyq jáne jergilikti mańyzy bar avtomobıl joldarynyń qurylysyn, ártúrli sıpattaǵy jóndeý jumystaryn, sondaı-aq, jol salýǵa qajetti materıaldardyń sapasyn tekseredi.
«Jyl basynna beri 63 nysanǵa baqylaý jasaldy. Jol qurylysyn júrgizý jumystaryna 417, qysqy maýsymdaǵy joldardyń kútimin qadaǵalaý úshin 18 ret tekserý uıymdastyryldy. Tekserýdiń nátıjesinde 151 kemshilik anyqtaldy. Onyń ishinde 41 óreskel aqaýlyq bar. Jol qurylysyna qajetti materıaldardan 405 synama alyp, tekserý úshin fılıal zerthanasyna jetkizildi. Zerthanalyq tekserý kezinde 60 synamanyń talapqa sáıkes emestigi rastaldy» -deıdi Bekbol Muqashov.
Onyń aıtýynsha, tekserý kezinde anyqtalǵan kemshilikterdi joıý úshin jol qurylysyna tapsyrys berýshiler men merdiger mekemelerge usynys hat joldanǵan. Ortalyq mamandary anyqtalǵan kemshilikterdi ýaqytyly qalypqa keltirilýin qatań baqylaýda ustaıdy.
Eske sala keteıik, buǵan deıin Atyraýdan Reseıge baratyn joldy jóndeý qalaı júrip jatqanyn habarlaǵan edik.
