Atyraý oblysynda jol boıynda turyp qalǵan kóliktiń bólshekterin urlaǵandar ustaldy

ASTANA. QazAqparat - Atyraý oblysynda qolaısyz aýa raıynda joldan shyǵyp qalǵan júk kóliginiń bólshekterin urlamaq bolǵan kúdiktiler ustaldy, dep habarlaıdy QazAqparat Polisia.kz saıtyna silteme jasap.

Ondaǵy derekterge qaraǵanda, 6 aqpan kúni saǵat 02:30 shamasynda Maqat aýdandyq polıtsııa bóliminen Atyraý oblysy Polıtsııa departamenti janyndaǵy Patrýldik polıtsııa rotasynyń qyzmetkerlerine Aqtóbe-Astrahan tasjolynyń 495 shaqyrymy tusynda aýa-raıynyń qolaısyzdyǵynan joldan shyǵyp ketken júk kóliginiń qasynda beıtanys adamdardyń júrgeni týraly habarlama kelip túsken.

Tekserý barysynda júk kóliginiń bólshekterin qoldy qylǵan VAZ 2114 markaly avtokóligin tizgindegen úsh er azamat ustaldy. Kúdikti tulǵalardan júk kóliginiń arnaıy quraldary men kilti tárkilenip, VAZ 2114 markaly avtokólik salonynan júk kóliktiń bólshekteri anyqtaldy.

«Qazirgi ýaqytta kúdikti tulǵalar Maqat aýdandyq polıtsııa bólimine jetkizildi»,-delingen habarlamada.