Atyraý oblysynda jol apatynan úsh adam qaza tapty
ATYRAÝ. QazAqparat - Atyraý oblysynda jol apatynan úsh adam qaza tapty, dep habarlaıdy QazAqparat.
Atyraý oblysy polıtsııa departamentiniń baspasóz qyzmetinen habarlaǵandaı, jol-kólik oqıǵasy Dossor-Qulsary tas jolynda bolǵan.
Avtobýs pen jeńil kólik soqtyǵysyp, sonyń saldarynan oqıǵa ornynda úsh adam qaza tapty, taǵy ekeýi túrli jaraqattarmen aýrýhanaǵa jetkizildi. Qazir Maqat aýdandyq aýrýhanasynda.
«Jol-kólik oqıǵasy saldarynan adamdardyń qaza bolýy faktisi boıynsha QR QK 345-baby boıynsha qylmystyq is qozǵaldy. Tergeý júrip jatyr», - dep habarlady Atyraý oblysy polıtsııa departamentiniń baspasóz qyzmeti.
