Atyraý oblysynda jol apatynan polıtsııa qyzmetkeri mert boldy
ATYRAÝ. QazAqparat – Atyraý oblysynda jol apatynan polıtsııa qyzmetkeri mert boldy, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna qaraǵanda, jol apaty 20 qazanda, saǵat 5:00 shamasynda bolǵan.
«Keshe «Atyraý-Oral» baǵytyndaǵy jolda Toyota Ipsum aldymen sıyrǵa, keıin Lada Priora kóligine soqtyǵysqan. Saldarynan Lada Priora kóliginiń rýlinde bolǵan polıtsııa qyzmetkeri kóz jumdy. Ol Mahambet aýdandyq polıtsııa bóliminde ýchaskelik polıtsııa ınspektory bolyp jumys istegen edi», - dep habarlady departamenttiń baspasóz qyzmeti.
Qazir atalǵan jol-kólik oqıǵasyna qatysty QR Qylmystyq kodekstiń 345-babymen sotqa deıingi tergeý bastaldy.
Eske sala ketelik, budan buryn Atyraýda joǵalyp ketken er adam óli tabylǵanyn jazǵan bolatynbyz.
