Atyraý oblysynda jol apatynan kólik jolaýshysy mert boldy

ATYRAÝ. QazAqparat – Atyraý oblysynda jol apatynan kólik jolaýshysy mert boldy, dep habarlaıdy QazAqparat.

Atyraý oblystyq polıtsııa departamentiniń baspasóz qyzmetinen málim etkendeı, jol-kólik oqıǵasy búgin, 13 tamyz kúni bolǵan.

«Búgin jergilikti ýaqytpen saǵat 13:30 shamasynda​ Dossor-Qulsary-Beıneý tas jolynyń 157-shaqyrymynda «Lada Granta» kóligi aýdaryldy. Kóliktiń aýdarylýyna 1992 jylǵy júrgizýshiniń kóliktiń rýline ıe bola almaı qalýy sebep bolǵan. Jol-kólik oqıǵasynyń saldarynan kóliktiń aldynǵy oryndyǵyndaǵy​ 31 jastaǵy jolaýshy qaza tapty», - dep habarlady departamenttiń baspasóz qyzmeti.

Qazir polıtsııa qyzmetkerleri atalǵan jol-kólik oqıǵasyna baılanysty tergeý amaldaryn júrgizip jatyr.