Atyraý oblysynda jol apatynan erli-zaıyptylar qaza tapty
ATYRAÝ. QazAqparat - Atyraý oblysynda jol apaty bolyp, eki adam qaza tapty, taǵy altaýy zardap shekti, dep habarlaıdy QazAqparat.
«Atyraý-Aqtaý» avtojolynda «Lada Granta» jáne «Nıssan» avtomashınalary soqtyǵysqan. Dárigerler oqıǵa ornyna jetkenshe eki adam - erli-zaıypty qaza tapqan. Túrli dárejedegi jaraqattar alǵan taǵy alty adam Maqat aýdanyndaǵy Dossor kentiniń aýrýhanasyna jetkizildi.
«Oqıǵa boıynsha QR Qylmystyq kodeksiniń 345-babynyń 4-bóligine sáıkes sotqa deıingi tergep-tekserý amaldary júrip jatyr. Birneshe saraptama belgilendi», - dep málim etti Atyraý oblystyq Polıtsııa departamentiniń baspasóz qyzmetinen.
