Atyraý oblysynda jol apatynan eki adam mert bolyp, 1 jasar bala aýrýhanaǵa tústi
ATYRAÝ. QazAqparat – Atyraý oblysynda jol apatynan eki adam mert bolyp, 1 jasar bala aýrýhanaǵa tústi, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, jol-kólik apaty keshe, 21 aqpanda tirkelgen.
«Saǵat 14:50 shamasynda «Atyraý-Oral» tas jolynyń 35-shaqyrymynda eki kólik soqtyǵysty. Reseı Federatsııasynda tirkelgen «VAZ-11183» avtokóligin basqarǵan 33 jastaǵy júrgizýshi joldaǵy araqashyqtyqty saqtamaı, aldynda kele jatqan «DAF FT XF 105» júk kóligine soqtyǵysqan. Júk kóligi Ózbekstan Respýblıkasynda tirkelgen. Jol apatynyń saldarynan jeńil kóliktiń júrgizýshisi men 34 jastaǵy jolaýshysy oqıǵa ornynda qaıtys boldy. Al, 2021 jylǵy bala aýrýhanaǵa jetkizildi», -dep habarlady departamenttiń baspasóz qyzmeti.
Qazir atalǵan jol-kólik oqıǵasyna baılanysty tergeý amaldary júrgizilip jatyr.
Eske sala ketelik, budan buryn Atyraý oblysynda eki soqtyǵysyp, 7 adam aýrýhanaǵa jetkizilgen bolatyn.
