Atyraý oblysynda jol apatynan eki adam ajal qushty
ATYRAÝ. QazAqparat - Atyraý oblystyq ishki ister departamenti 28 mamyr kúni «Qulsary - Dossor» kúre jolynda bolǵan jol apaty týraly tolyq málimet berdi, dep habarlaıdy QazAqparat tilshisi.
«Jol-kólik oqıǵasy 28 mamyr kúni 10:00-de Maqat aýdanynyń Dossor kentinen 5 shaqyrym jerde bolǵan. Geely Emgrand X7 jáne «GAZ-891020» avtomashınalary soqtyǵysyp qalǵan. Geely Emgrand X7 avtomobıliniń júrgizýshisi men bir jolaýshysy oqıǵa ornynda mert bolǵan, taǵy eki jolaýshysy oblystyq aýrýhanaǵa jetkizilgen. Osy fakti boıynsha, QR Qylmystyq kodeksiniń 345-baby, 4-bóligine sáıkes sotqa deıingi tergep-tekserý júrip jatyr», - dep málimdedi Atyraý oblysy ІІD baspasóz qyzmeti.
Eske sala keteıik, 28 mamyr kúni oblystyq densaýlyq saqtaý basqarmasynyń baspasóz qyzmeti zardap shekken eki adam týraly habarlaǵan bolatyn.
