Atyraý oblysynda jol apatynan bir adam mert bolyp, júrgizýshi aýrýhanaǵa tústi
ATYRAÝ. QazAqparat – Atyraý oblysynda jol apatynan bir adam mert bolyp, júrgizýshi aýrýhana tústi, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna súıensek, jol-kólik oqıǵasy 18 naýryzda saǵat 01:00 shamasynda bolǵan.
«Jylyoı aýdanyndaǵy Shoqpartoǵaı aýylynan shyqqan «LADA –2110» kóligi Qulsary qalasyna qaraı kele jatqan. Jolda qarsy baǵyttaǵy «LEXUS – 570» kóligimen soqtyǵysqan. Jol-kólik apatynyń saldarynan «LADA – 2110» kóliginiń jolaýshysy oqıǵa ornynda mert boldy. Osy kóliktiń 26 jastaǵy júrgizýshisi aýyr jaraqatpen Jylyoı aýdandyq ortalyq aýrýhanasyna jetkizildi. Júrgizýshi aýrýhananyń jansaqtaý bóiliminde jatyr», -dep habarlady departamenttiń baspasóz qyzmeti.
Qazir atalǵan jol-kólik oqıǵasyna baılanysty tergeý bastaldy.
Eske sala ketelik, budan buryn Atyraý oblysynda eki kólik soqtyǵysyp, 7 adam aýrýhanaǵa túskenin habarlaǵan edik.
