Atyraý oblysynda jol apatynan bir adam mert bolyp, ekeýi aýrýhanaǵa tústi
ATYRAÝ. QazAqparat – Atyraý oblysynda jol apatynan bir adam mert bolyp, ekeýi aýrýhanaǵa jetkizildi, dep habarlaıdy QazAqparat tilshisi.
Oblystyq polıtsııa departamenti baspasóz qyzmetiniń málimetinshe, jol-kólik oqıǵasy búgin, 28 qańtarda bolǵan.
«Búgin jergilikti ýaqytpen saǵat 12:30 shamasynda «Aqtóbe-Atyraý-Reseı Federatsııasynyń shekarasy» baǵytyndaǵy tasjoldyń 523-shaqyrymy tusynda jol-kólik oqıǵasy tirkeldi. Jol boıynda 64 jastaǵy er adam júrgizip kele jatqan «KamAZ» ben «Skoda» avtokóligi soqtyǵysyp qaldy. Jeńil kóliktiń rýlinde 67 jastaǵy zeınetker bolǵan. Soqqy saldarynan jol-kólik oqıǵasy tirkelgen orynda «Skoda» avtokóligindegi 1960 jylǵy jolaýshy kóz jumdy. Osy kólikte bolǵan eki adam aýrýhanaǵa jetkizildi», - dep habarlady departamenttiń baspasóz qyzmeti.
Baspasóz qyzmetiniń aqparatyna qaraǵanda, jyl basynan beri atalǵan jol boıynda birneshe ret jol apaty tirkelip otyr.
«Máselen, 21 qańtarda jergilikti ýaqytpen saǵat 7:30-da Atyraý oblysy arqyly ótetin «Aqtóbe-Atyraý-Reseı Federatsııasynyń shekarasy» baǵytyndaǵy joldyń 502-shaqyrymynda «VAZ-2114» avtokóligi jol apatyna ushyrady. Kólik júrgizýshisiniń basqarý júıesin ıgere almaǵany anyqtaldy. Sol kúni saǵat 10:40 shamasynda atalǵan tas joldyń 376-shaqyrymynda taǵy bir jol-kólik oqıǵasy tirkeldi. Jol boıynda «Lada Priora» men «ÝAZ» avtokólikteri soqtyǵysty», - dep málim etti departamenttiń baspasóz qyzmetinen.
Bir kúnde bolǵan eki jol-kólik oqıǵasynyń saldarynan 6 adam túrli dene jaraqatymen aýrýhanaǵa jatqyzylǵan.
Eske sala ketelik, buǵan deıin Atyraý oblysynda jol apatynan eki jolaýshy kóz jumǵanyn habarlaǵan edik.
Foto: Atyraý oblystyq polıtsııa departamenti
