Atyraý oblysynda jol apatynan bir adam kóz jumyp, altaýy aýrýhanaǵa jetkizildi
ATYRAÝ. QazAqparat – Atyraý oblysynda jol apatynan bir adam mert bolyp, altaýy aýrýhanaǵa jetkizildi, dep habarlaıdy QazAqparat.
Atyraý oblystyq polıtsııa departamentiniń baspasóz qyzmetinen málim etkendeı, jol-kólik oqıǵasy keshe, 1 qyrkúıekte bolǵan.
«Jergilikti ýaqytpen saǵat 16:30 shamasynda Dossor-Qulsary-Beıneý tasjolynyń 48-shaqyrymy tusynda Toyota Camry men Lada Priora avtokóligi soqtyǵysty. Jol apatynyń saldarynan Lada Priora avtokóliginiń júrgizýshisi oqıǵa ornynda mert boldy. Al, Toyota Camry avtokóliginiń júrgizýshisi men 4 jolaýshysy, Lada Priora kóliginiń bir jolaýshysy Maqat aýdandyq aýrýhanasyna jetkizildi», -dep habarlady departamenttiń baspasóz qyzmeti.
Eske sala ketelik, buǵan deıin Atyraýda sıyrǵa, sosyn júk kóligine soǵylǵan Toyota Camry júrgizýshisi mert bolǵanyn habarlaǵan edik.
Jol apaty Aqtóbe-Atyraý-Reseı shekarasy (Astrahan baǵyty) tas jolynyń 430-shaqyrymy tusynda tirkelgen.
Toyota Camry avtokóligi áýeli joldan ótip bara jatqan sıyrdy qaǵyp, sodan soń soqqy ekpinimen qarsy jolaqta kele jatqan Mercedes júk kóligimen túıisken.
Jol-kólik oqıǵasynyń saldarynan Toyota Camry avtokóliginiń 1988 jylǵy júrgizýshisi dene jaraqatyn alyp, oqıǵa ornynda mert boldy.
Jeńil kóliktegi 2 jolaýshy ártúrli dene jaraqatyn aldy.
Sondaı-aq, Atyraý oblysynda keıingi eki aıda 4 jol apatynan 20 adam kóz jumǵanyn jazǵanbyz.
