Atyraý oblysynda jol apatynan 7 adam zardap shekti
ATYRAÝ. QazAqparat – Búgin Dossor-Atyraý trassasynda eki kólik soqtyǵysyp, onyń saldarynan 7 adam zardap shekti, dep habarlaıdy QazAqparat.
Lada Largus pen Lexus markili kólikteri soqtyǵysyp, eki kóliktiń de júrgizýshisi men jolaýshylary aýrýhanaǵa jetkizildi.
«Zardap shekkenderdiń úsheýi basynan jaraqat alyp, ishki organdary zaqymdanyp, aýyr jaǵdaıda aýrýhanaǵa tústi. Qazirgi tańda olardyń birine hırýrgııalyq operatsııa jasalyp jatyr, ekinshisin operatsııaǵa daıyndap jatyr, úshinshisi qatań baqylaýda. Qalǵandary alǵashqy medıtsınalyq kómekten soń ambýlatorlyq em alýǵa jiberildi»,-dep habarlady jaraqat bóliminiń meńgerýshisi Ashat Bısenǵalıev.
Aıta keteıik, osyǵan deıin Atyraý oblysynda taǵy eki kóliktiń soqtyǵysýymen 7 adam zardap shekken bolatyn. Jol-kólik apaty Atyraý-Oral baǵytyndaǵy jol boıynda, Beıbarys aýylynyń mańynda boldy.
Bul jerde úlken jyldamdyqpen kele jatqan Lada Largus pen Nıva kólikteri soqtyǵysyp, jol shetine shyǵyp ketti. Abyroı bolǵanda olar aýdarylyp nemese jarylǵan joq.
Avtor: Andreı Sokolov
