Atyraý oblysynda joǵalǵan jigittiń aty ózennen óli tabyldy
ATYRAÝ. QazAqparat – Atyraý oblysynda izdestirilip jatqan 21 jastaǵy jigittiń aty Oıyl ózeninen óli tabyldy, dep habarlaıdy QazAqparat tilshisi.
«23 sáýirde dalalyq jazyqtan izdeýge departamenttiń 2 qyzmetkeri «Trekol» kóligimen shyqty. Keıin 2 qyzmetker júzý quralymen Oıyl ózeninen izdedi. Keshe saǵat 19:00-de ózennen joǵalǵan jigit minip ketken attyń óleksesi tabyldy»
, - dep habarlaıdy oblystyq tótenshe jaǵdaılar departamentiniń baspasóz qyzmeti.
Budan buryn Atyraý oblysynda 21 jastaǵy jigittiń iz-túzsiz joǵalyp ketkenin jazǵan edik. Qyzylqoǵa aýdanynyń Tasshaǵyl aýylynda turatyn jigit 21 sáýirde salt atpen mal izdeýge shyqqan. Onyń qaı baǵytqa ketkeni týraly derek joq.
Ony izdestirý búgin qaıta jalǵasty.
