Atyraý oblysynda joǵalǵan úsh adam bir kúnnen soń tabyldy

Oblystyq tótenshe jaǵdaılar departamentiniń qoǵammen baılanys tobynan málim etkendeı, eki jigit keshe, 20 qarashada keshki saǵat 09:00-de joǵalyp ketken.
«Atyraý qalasyna taıaý ornalasqan Qursaı aýylynyń eki turǵyny – 23 jáne 21 jastaǵy eki jigit motorly qaıyqpen Kaspıı teńizine qaraı shyǵyp ketken. Biraq, balyq aýlaýǵa ketken jigitter keri oralmaǵan. Tótenshe jaǵdaılar departamentiniń qyzmetkerleri joǵalǵan balyqshylardy Kaspıı teńiziniń jaǵalaýynan izdestirýdi keshe, 20 qarashada saǵat 09:32-de bastap, keshki saǵat 21:25-ke deıin júrgizdi. Іzdestirý jumystary jumystary búgin, 21 qarashada qaıta jalǵasyp, saǵat 11:25-te habarsyz ketken balyqshylar tabyldy», -dep habarlady departamenttiń qoǵammen baılanys toby.
Іzdestirý jumystaryna Atyraý oblystyq tótenshe jaǵdaılar departamentinen 2 adam, 1 tehnıkamen, Atyraý qalalyq polıtsııa basqarmasynan 1 adam qyzmetker men týysqandary tartyldy.
Sondaı-aq, Qurmanǵazy aýdanyndaǵy Nıetbaı aýylynan 8 shaqyrym qashyqtaǵy Sasyqtaý ýchaskesinen 40 jastaǵy áıeldiń habarsyz ketkeni anyqtaldy.
«Áıel adam mal izdeýge shyǵyp, úıine keri oralmaǵan. Ony 8 adam 3 tehnıkamen izdep, kúnnen soń Sasyqtaý ýchaskesinen 15 shaqyrym qashyqtan tapty», -dep málim etti departamenttiń qoǵammen baılanys tobynan.
Tótenshe jaǵdaılar departamenti qyzmetkerleriniń kómegimen tabylǵan úsh adam medıtsınalyq kómekti qajet etken joq.