Atyraý oblysynda joǵalǵan qyzdy izdeý jalǵasýda
ATYRAÝ. QazAqparat - Atyraý oblysynda Bısekti aýyly mańynan sársenbi kúni joǵalǵan 8 jastaǵy qyzdy izdeý jalǵasýda, dep habarlaıdy «QazAqparat» HAA tilshisi.
Sársenbi bastalǵan izdeýge keshe Batys óńirlik aeromobıldik jedel-qutqarý jasaǵynyń qutqarýshylary qosyldy. Ekinshi kúni olar Oral ózenin súzip shyǵyp, izdeý jumystaryn jalǵastyrýda.
Áleýmettik jelilerde joǵalǵan qyzdy zorlap, sosyn Oral teńizine batyryp jiberdi degen kúdikpen aýyl turǵyny ustaldy degen aqparat taralýda. Alaıda oblystyń ІІD-niń baspasóz qyzmeti bul aqparatty rastaǵan joq. «Naqty málimet bolǵanǵa deıin qandaı da bir pikir aıtý aqylǵa syıymsyz», - dedi baspasóz qyzmeti.
Eske salsaq, tańerteń qyz úıinen «Aıgólek» mektep-ınternaty janyndaǵy balalar lagerine ketken. 17.15-te qyz lagerden shyqqan, alaıda úıine oralmaǵan. Bul týraly polıtseılerge keshe saǵat keshki 22.20-da habarlady. Olar birden balany izdeýge kirisken. Polıtseıler qandaı da bir aqparat biletinder bolsa, birden 102 nómirine habarlasýdy suraıdy.
