Atyraý oblysynda JITS ınfektsııasyn juqtyrǵan 400 adam esepte tur
ATYRAÝ. QazAqparat – Atyraý oblysynda JITS ınfektsııasyn juqtyrǵan 400 adam esepte tur, dep habarlaıdy QazAqparat.
Atyraý oblystyq JITS-ke qarsy kúres jáne aldyn alý ortalyǵy epıdemıologııa bóliminiń meńgerýshisi J.Tólemisovanyń aıtýynsha, indet eseptegi adamdardyń 80 paıyzyna jynystyq qatynas arqyly juqqan.
«Qazir Atyraý oblysynda JITS ınfektsııasyn juqtyrǵan 400 adam esepte tur. Onyń ishinde Atyraý qalasynda 284, Jylyoı aýdanynda 13, Qurmanǵazyda – 7, Inderde – 6, Mahambette – 6, Qyzylqoǵada – 2, Maqatta – 2, Isataı aýdanynda 1 adam bar. Bıylǵy jyl basynan beri osyndaı dert 32 adamnan anyqtalyp otyr. Bul ótken jylǵydan 14 adamǵa artyq. Іndetti juqtyrǵandardyń arasyndaǵy sheteldikterdiń sany – 79 adam» -deıdi J.Tólemisova.
Onyń aıtýynsha, JITS ınfektsııasyna shaldyqqandardyń 187-si (58,2%) – er adam, al, 134-i (41,7%) – áıel. Onyń ishinde 19 jasqa deıingi 11 (3,4%), 20-39 jastaǵy 218 (68,3%), 40-62 jas aralyǵyndaǵy 92 (28,6%) adam vırýspen kúresip keledi.
«JITS indetine shaldyqqandardyń áleýmettik sanatyna toqtalar bolsaq, 116 adam jumys istep júr. Al, 173 eńbekpen qamtylmaǵan. Altaýy – mektep jasyndaǵy oqýshylar men stýdent. Eki adam áskerı qyzmetker bolsa, bireýi – zeınetker» -dep málim etti J.Tólemisova.
Eske sala ketelik, buǵan deıin Atyraý oblysynda jeti aıda 23 adam AITV ınfektsııasyn juqtyrǵanyn jazǵan edik.
