Atyraý oblysynda jeti aıda 23 adam AITV ınfektsııasyn juqtyrǵan
ATYRAÝ. QazAqparat – Atyraý oblysynda bıylǵy jeti aıda 23 adam AITV ınfektsııasyn juqtyrǵan, dep habarlaıdy QazAqparat.
Atyraý oblystyq JITS ortalyǵynyń baspasóz qyzmetiniń aqparatyna qaraǵanda, byltyrǵy osy kezeńde AITV ınfektsııasyn juqtyrýdyń 15 deregi tirkelgen.
«Bıylǵy jeti aıda 23 adam AITV ınfektsııasyn juqtyrdy. Bul derek ótken jyldyń sáıkes kezeńimen salystyrǵanda 8-ge artyq. Infektsııa juqtyrǵandardyń 78,3%-y – er adamdar, 21,7%-y – áıelder. Olardyń basym bóligin 20-29 jastaǵylar (39%) qurap otyr. Sondaı-aq, 30-39 jastaǵylar – 26,1, 40-59 jastaǵy adamdar – 26, al, 60 jáne 15-19 jas aralyǵynda juqtyrǵandar 8,6% paıyz úlesti qurady» -dep habarlady ortalyqtyń baspasóz qyzmeti.
Infektsııaǵa shaldyqqandar arasynda 15 adam (65%) jumys istemeıtin bolsa, 5 adam (21,7%) jumyssyzdar sanatynda eken. Sondaı-aq, 4,3%-y – zeınetkerler. Onyń ishinde 69,6%-y geteroseksýaldyq, 26,1% gomoseksýaldyq jynystyq jolmen juqtyrǵan.
