Atyraý oblysynda jergilikti polıtsııa basshysynyń orynbasary tutqyndaldy
ATYRAÝ. QazAqparat - Atyraý oblysy Jylyoı aýdanynyń jergilikti polıtsııa basshysynyń orynbasary qamaýǵa alyndy, dep habarlaıdy QazAqparat tilshisi.
«Aýdandyq jergilikti polıtsııa qyzmeti basshysynyń orynbasary Rústem Islıamov Ulttyq qaýipsizdik komıtetiniń Atyraý oblysy boıynsha departamenti qyzmetkerlerimen ustaldy. Qazirgi ýaqytta sottyń bergen sanktsııasymen ol qamaýǵa alyndy. Oǵan QR QK-niń «Para alý» jáne «Zańsyz kóshi-qondy uıymdastyrý» baptary boıynsha qylmystardy jasady degen kúdik keltirilýde», - dep málim etti oblystyq sottyń baspasóz qyzmetinen.
Ustalǵan polıtseı qajetti ruqsattardy almastan, sheteldik jumys kúshin tartýǵa kvotany rásimdemeı, Qazaqstanda zańsyz jumys isteýge ruqsatty berý úshin Qytaı azamattarynan para aldy dep aıyptalýda.
