Atyraý oblysynda jerasty sý qoryna barlaý júrgiziledi
«Jaıyq ózeninen sý tutynýdy paıdalanýdy azaıtý úshin sýmen jabdyqtaýdyń jerasty kózderine kezeń-kezeńimen kóshý týraly sheshim qabyldandy. Batys Qazaqstan oblysynda sý tapshylyǵyn boldyrmaý jáne halyqty turaqty sýmen jabdyqtaýdy qamtamasyz etý maqsatynda bıyl táýligine 1000 tekshe metr tómen kólemmen 16 uńǵymany qalpyna keltirý jumysy júrgizildi» delingen Roman Sklıardyń jaýabynda.
Sonymen qatar vıtse-premer 2015-2021 jyldar aralyǵynda 224 eldi mekenniń jerasty sý qory barlanyp, 13 ken ornyna qaıta baǵalaý jumysy júrgizilgenin aıtady.
«Bul rette 2022-2024 jyldar aralyǵynda eldi mekenderdi jerasty sýymen qamtamasyz etý úshin 7 ken ornynyń qoryn qaıta baǵalaý jumysy josparlanǵan. Sondaı-aq, Atyraý oblysy Qyzylqoǵa aýdanyndaǵy Shyǵys Taısoıǵan jer asty sý qorynan sý alý úshin qosymsha izdestirý-barlaý jumysyn júrgizý kózdelip otyr», - deıdi Roman Sklıar.