Atyraý oblysynda jer úlestirý kezinde zań buzǵan 30 memqyzmetshi jazalandy

ATYRAÝ. QazAqparat - Atyraý oblysynyń prokýrorlary jeke turǵyn úı salý úshin jer úlestirý jumystarynan zańsyz áreketterdi anyqtady, dep habarlaıdy «QazAqparat» HAA.

«Jer zańnamasynyń oryndalýyna júrgizilgen tekserý barysynda jeke turǵyn úı salý úshin jer berý jumystarynan óreskel zańbuzýshylyqtar anyqtaldy. Quzyrly organ ókilderi aýyl sharýashylyǵy maqsatyndaǵy jerlerge jarııalanǵan maratorııdi nazardan tys qaldyryp, kommertsııalyq maqsattaǵy jerlerdi aýktsıon uıymdastyrmastan berip jibergen. Osy zańsyzdyqtar úshin 34 laýazym ıesi jazalandy, olardyń arasynda basshylar da bar. Naqtyraq aıtqanda, Qurmanǵazy aýdanynyń ákimi, Atyraý qalasy men Qurmanǵazy aýdany ákiminiń orynbasarlary, arhıtektýra jáne jer qatynasy bólimderiniń jetekshileri»,-dedi Atyraý oblystyq prokýratýrasynyń ókilderi.