Atyraý oblysynda jemqorlyqpen kúres baǵytynda marafon uıymdastyryldy
Sharany Atyraý oblysy Jylyoı aýdany ákimi apparaty jəne QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Atyraý oblysy boıynsha departamentimen birlesip ortalyq alańda uıymdastyrdy.
Sharaǵa «Nur Otan» partııasynyń ortalyq apparatynyń partııalyq baqylaý departamentiniń basshysy Nurlan Baımurzaev, Arnaıy monıtorıngtik top jetekshisi, qoǵam qaıratkeri Aıgúl Soloveva, Respýblıkaǵa tanymal dızaıner, QR Prezıdentiniń «Altyn sapa» syılyǵynyń laýreaty Yrza Tursynzada, QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń ókilderi Ravıl Tıýlebaev, Arman Berdalın, Aıbol Qozbaǵarov jəne Atyraý oblysy boıynsha departament basshysy Toqtamys Qadoshuly men BAQ ókilderi qatysty.
Іs-shara barysynda ortalyq alańda aýdandyq jastardyń «Jemqorlyqqa jol joq» fleshmoby ótkizilip, Jylyoı aýdany sybaılas jemqorlyqqa qarsy «Adal jol» marafon-estafetasynyń týyn Inder aýdanyna tabystaǵan bolatyn.
Arnaıy monıtorıngtik top quramy osy jyly ashylyp óz ónimin berip úlgergen «Jylyjaı keshenine» baryp jumysymen tanysyp, sońǵy úlgidegi zamanaýı tehnologııamen ónim alyp otyrǵan keshen jumysyna oń baǵasyn berdi.
Sonymen qatar monıtorıngtik top músheleri «Aýdandyq jumyspen qamtý ortalyǵynyń» jumys barysymen tanysty. Jumyspen qamtý ortalyǵy dırektory Q. Omarovtyń məlimetinshe, jańa ǵımaratqa zamanýı termınal qoıylyp jurtshylyqqa sapaly qyzmet kórsetilýde. Jyl basynan beri ortalyqta tirkeýdegi 607 turǵyn jumyspen qamtylǵan. Sondaı-aq eńbekpen qamtý sharalary, qoǵamdyq jumystardy uıymdastyrý, jastar təjirıbesine joldaý, kəsiptik oqytý baǵdarlamalaryn usynatynyn aıtty.
Aýdandyq «Keń Jylyoı» mədenıet úıinde ótken aýdan aktıvterimen jıyn kezinde aýdan əkimi Əlımuhammed Quttymuratuly aýdannyń əleýmettik ekonomıkalyq damý kórsetkishin baıandaı kele Qazaqstan Respýblıkasynyń 2015-2025 jyldarǵa arnalǵan sybaılas jemqorlyqqa qarsy strategııanynyń basty baǵyty sybaılas jemqorlyqqa qarsy mədenıet deńgeıin qalyptastyrý boıynsha naqty keshendi is-sharalardyń aýdan kóleminde əli jalǵasyn tabatynyn atap ótti.