Atyraý oblysynda jemqorlyq úshin 51 azamat bostandyǵynan aıyryldy
Atyraý oblystyq Sybaılas jemqorlyqqa qarsy is-qımyl departamentiniń málimetinshe, sondaı-aq brıfıngide 1 mlrd teńgeden astam qarjy memleket bıýdjetine qaıtarylǵany jáne 11 bıznes sýbektisiniń quqyǵy qorǵalǵany málim etildi.
Jalpy, ótken jyldyń qortyndysy boıynsha óńirde jemqorlyq deńgeıi 9-protsentke tómendegen. Onyń ishinde, aýyr qylmys jasaý 1,6 esege, jymqyrý jáne alaıaqtyq 2 esege azaıǵan.
«Sońǵy eki jylda antıkor qyzmetkerleri óńirde para bergen 480, kásipkerlikke zańsyz qol suqqan 713 faktini anyqtady. Jemqorlyqtyń basym kópshiligi bilim, ishki ister, densaýlyq salalarynda anyqtaldy», - dedi oblystyq Sybaılas jemqorlyqqa qarsy is-qımyl departamentiniń basshysy Qanat Súleımenov.
Ad departament basshysynyń orynbasary Aıdos Mamyttyń aıtýynsha,
bıyl jemqorlyqpen kúres odan ári kúsheıtildi. «Zańnamalarǵa ózgerister engizilip, birqatar shara qolǵa alyndy. Máselen, azamat para alǵany jáne bergeni úshin endi 7 jylǵa bas bostandyǵynan aıyrylady. Sondaı-aq, merziminen buryn bosatylý bolmaıdy», - dedi ol.