Atyraý oblysynda jemis tıelgen Gazel kóligi jolda órtenip ketti

ATYRAÝ. QazAqparat – Atyraý oblysynda jemis tıelgen «Gazel» kóligi jolda órtenip ketti, dep habarlaıdy QazAqparat tilshisi.

Oblystyq polıtsııa departamentiniń baspasóz qyzmetinen málim etkendeı, kólik órti 30 shildedede saǵat 10:00 shamasynda bolǵan.

Respýblıkalyq mańyzy bar Aqtóbe-Atyraý-Astrahan tas jolynyń 565-shaqyrymy tusynda «Gazel» avtokóligi ózdiginen órtenip ketken.

Júk kóligi Atyraý qalasynan Maqat aýdanyndaǵy Dossor kentine qaraı bara jatqan. Kólik bortyna jemis túrleri tıelgeni anyqtaldy.

Jalynnyń saldarynan «Gazel» avtokóligi túgi qalmaı, janyp ketti. Kólik júrgizýshisi qujattaryn alyp, shyǵyp úlgergen.

«Júrgizýshiler jolǵa shyǵar aldynda kóliktiń tehnıkalyq jaǵdaıyn muqııat tekserip alýy kerek. Tehıkalyq jaǵdaıy talapqa sáıkes kelmeıtin kólikpen jolǵa shyqpaǵan jón», -dep habarlady oblystyq polıtsııa departamentiniń baspasóz qyzmetinen.

Qazir polıtsııa qyzmetkerleri atalǵan jol-kólik oqıǵasyna baılanysty tekserý júrgizýdi bastady. Kóliktiń órttenýine ne sebep bolǵanyn anyqtalyp jatyr.

Eske sala ketelik, budan buryn Atyraý oblysynda avtokólik 24 qoıdy qaǵyp ketkenin habarlaǵan edik.