Atyraý oblysynda jel mekteptiń shatyryn ushyryp jiberdi
ATYRAÝ. QazAqparat – Atyraý oblysynda qatty jel saldarynan orta mekteptiń shatyry ushyp ketti, dep habarlaıdy QazAqparat.
Áleýmettik jeli paıdalanýshylarynan belgili bolǵan tótenshe oqıǵa 6 sáýir kúni Qurmanǵazy aýdanynyń Súıindik eldi mekeninde oryn alǵan.
Aımaqtyq TJ departamentiniń málimdeýinshe, bul mektep oqýshylary men muǵalimderdiń úıge taraǵan kezinde boldy.
Qazirgi kezde tótenshe oqıǵadan bolǵan shyǵyn kólemi anyqtalýda. Mektep 1984 jyly salynǵan. Birer kún buryn Atyraý oblysynyń TJD aımaq turǵyndaryn qatty jel men shańdy daýyl týraly eskertken edi.
