Atyraý oblysynda jel kúsheıedi
ATYRAÝ. QazAqparat - 6 mamyr kúni Atyraý oblysynda jeldiń jyldamdyǵy sekýndyna 20 metrge deıin jetedi, dep habarlaıdy «QazAqparat» HAA tilshisi.
Atyraý oblysynyń TJ departamenti 6 mamyrdaǵy aýa raıy jaǵdaıyna baılanysty eskertý jasady, onda jeldiń jyldamdyǵynyń sekýndyna 20 metrge deıin jetetindigi aıtylǵan.
Esterińizge sala keteıik, 3 mamyr kúni oblystyń Qurmanǵazy aýdanyna qarasty Órlik aýylynda daýyldyń saldarynan aýyl mektebiniń shatyryn, sondaı-aq, oblys ortalyǵynda bes qabatty úıdiń shatyryn jel ushyryp áketken bolatyn. Taǵy birneshe úı búlindi. Birsypyra shaǵyn aýdandar jaryqsyz qaldy. Aýa raıynyń qolaısyzdyǵyna baılanysty jedel shtab quryldy.
