Atyraý oblysynda jel elektr stansasy salyna bastady
ATYRAÝ. QazAqparat – Atyraý oblysynda jel elektr stansasynyń qurylysy bastaldy, dep habarlaıdy QazAqparat.
Balamaly qýat kózin óndiretin qurylysy Maqat aýdanynda salynyp jatyr. Osy maqsatqa 500 gektar jer ýchaskesi bólingen. Jobanyń ınvestory – «Dıvıtel» JShS.
Maqat aýdanynyń ákimi Shákir Keıkınniń aıtýynsha, joba qurylysy 2022 jyly aıaqtalmaq. Qazir oǵan 12 adam jumysqa tartylǵan. Joba iske iske qosylǵannan keıin 50 adam turaqty jumysqa alynady.
Jelden energııa óndiretin 24 qondyrǵy ornatylady. Onyń árqaısysy qýaty 2 MVt bolatyn qýat óndiredi. Jel týrbınalarynyń bıiktigi –106, ebelek (vınt) uzyndyǵy – 43 metr.
«Energııa resýrstaryn únemdeý jolynda aýdanda birqatar jumys júrgizilip jatyr. Al, bul joba balamaly energııa kózderin óndiretin bolady. Mamandar osy jobany bastamas buryn arnaıy taldaý jasap, tájirıbeden ótkizdi. Jel elektr stansasy aýdandy elektr qýatymen tolyq qamtýǵa múmkindik beredi»,- deıdi aýdan ákimi Shákir Keıkın.
