Atyraý oblysynda jazasyn ótep jatqan azamat bir kúndik jalaqysyn balalar úıine aýdardy

MAŃǴYSTAÝ. QazAqparat – Mańǵystaý oblysy boıynsha Qylmystyq atqarý júıesi departamentiniń GM-172/8 qaýipsizdigi barynsha tómen mekemede jazasyn ótep júrgen sottalǵandardyń biri qaıyrymdylyqpen aınalysa bastady, dep jazady QazAqparat.

«Talap qaryzy joq jumysqa ornalasqan sottalǵandar eńbekaqysyn óziniń qalaýynsha jumsaı alady», – dep túsindirdi vedomstvo ókilderi.

Sottalǵan Tımýr (aty ózgertilgen) mekemege ótken jyldyń qarasha aıynda tústi. Tımýr munda júrgizýshi bolyp jumysqa ornalasty.

«Qaýipsizdigi barynsha tómen mekemege kelgennen keıin sottalǵandardy jumysqa ornalastyrý – birinshi kezektegi mindet. Ákimshilik qyzmetkerleri kelgenderdiń jeke isterin zertteıdi, óıtkeni olardyń kópshiligi mekemede bilim alady. Alynǵan dıplomdaryna sáıkes, olardy mamandyqqa nemese jeke qalaýyna sáıkes mekeme aýmaǵynan tys kásiporyndarǵa jumysqa ornalastyrady», – deıdi mekeme basshysy Ábdirahman Dastan.

Tımýr biraz ýaqyt jumys istep, mekeme ákimshiligine aılyq jalaqysyn balalar úıiniń shotyna aýdarýdy surap, ıgi is jasaýǵa sheshim qabyldaǵan.