Atyraý oblysynda jaz bastalǵaly beri 13 adam sýǵa ketti
ATYRAÝ. QazAqparat - Atyraýda jaz aılarynda 13 adam sýǵa batyp ketti, dep habarlady «QazAqparat» HAA tilshisi.
«Batyp ketken 13 adamnyń altaýy bala. Olardyń ólimine negizgi sebep - balalar úlkenderdiń qaraýynsyz qalǵan, óz-ózderine abaı bolmaǵan, shomylýǵa tyıym salynǵan jerde sýǵa túsken», - dedi Atyraý oblysy TJD baspasóz qyzmetinde.
Sýda bolatyn jazataıym oqıǵalardyń aldyn alý maqsatynda oblystyń TJD qyzmetkerleri, «Batys óńirlik aeromobıldik jedel qutqarý jasaǵy» MM qutqarýshylary jergilikti polıtsııa qyzmetimen birlesip, Jaıyq ózenin torýyldaıdy, demalýshylar arasynda sýda qaýipsizdikti saqtaý boıynsha aldyn alý jumystaryn júrgizip, jadynama, broshıýralar taratady, ruqsat etilmegen jerde shomylyp jatqandardy baqylaý úshin reıd ótkizedi.
