Atyraý oblysynda jasóspirim sýǵa ketti
Oqys oqıǵa 25 mamyrda Qurmanǵazy aýdanynda bolǵan. Bir top jasóspirim Sharon ózeniniń jaǵasyna oınaýǵa barǵan. Ózenge shomylǵan jasóspirimniń biri sýdan shyqpaı qalǵan.
«Bul týraly aýdandyq tótenshe jaǵdaılar bólimine keshki saǵat 19:45-te habar tústi. Súńgýirler oblys ortalyǵynan shaqyrtyldy. Súńgýirler kelgenge deıin jergilikti turǵyndar men balyqshylar, polıtsııa men tótenshe jaǵdaılar bólimderiniń qyzmetkerleri izdestirý júrgizdi. Túngi 23:00-de izdeý jumysy toqtatyldy. Biraq, sýǵa batqan jasóspirimniń týystar izdestirýdi jalǵastyrdy. Olar 26 mamyrda saǵat 00:30-da ózenge batyp ketken jasósspirimniń denesin tapqan» -dedi Qurmanǵazy aýdandyq tótenshe jaǵdaılar bóliminiń bastyǵy Talǵat Sansyzbaev.
Belgili bolǵandaı, sýǵa batqan jasóspirim jaqynda 7-synypty bitirgen.
Eske sala ketelik, budan buryn Atyraýda Jaıyqqa batqan 8 jastaǵy bala qutqarylǵan bolatyn.
