Atyraý oblysynda jasóspirim men bala sýǵa aǵyp ketti
ATYRAÝ. QazAqparat - Atyraý oblysynda seısenbi kúni birden eki adam - 8 jasar bala men 15 jastaǵy jasóspirim sýǵa aǵyp ketti. Olardyń denesi áli tabylǵan joq, dep habarlaıdy QazAqparat tilshisi.
«19 maýsymda 15.06-da kezekshilik bólimine Mahambet aýdany Taldykól kentinde Jaıyq ózenine 8 jasar balanyń aǵyp ketkeni týraly habarlama túsken. Onyń denesi áli tabylmaǵan. Іzdeý jumystaryn Batys óńirlik aeroutqyr jedel-qutqarý jasaǵynyń mamandary júrgizip jatyr. Taǵy bir qaıǵyly jaǵdaı sol kúni 18.30-da bolǵan. Mahambet aýdany Aqjaıyq aýylynda Jaıyq ózenine 15 jastaǵy jasóspirim sýǵa batyp ketkeni habarlandy. Onyń da denesi áli tabylǵan joq, izdestirý jumystary júrip jatyr», - dep habarlady Atyraý oblystyq TJD baspasóz qyzmetinen.
