Atyraý oblysynda jas jubaılar nekesin qıǵan soń saılaý ýchaskesinde daýys berdi

ATYRAÝ. QazAqparat – Atyraý oblysynda nekesin qıdyrǵan jas jubaılar daýys berdi. Olar búgin otbasyn qurǵan, dep habarlaıdy QazAqparat tilshisi.

Jas jubaılar Beıbarys Tólegenov pen Arý Nysanbekqyzy Isataı aýdanyndaǵy Aqqystaý aýylynda turady.

Olar búgin, 20 qarashada júrek qalaýymen otbasyn quryp, nekesin qıdyrǵan.

Jas jubaılar nekesin qıdyrǵan soń №133 saılaý ýchaskesine kelip, daýys berdi.

«Búgin – biz úshin eshqashan umytylmaıtyn kún. Óıtkeni, búgin otbasyn quryp, nekemizdi qıdyrýdy aldyn ala oılastyrǵan edik. Biraq, prezıdent saılaýy ótetin kún ekenin bilgen joqpyz. Endi biz úshin bul kúnniń mańyzy eki eselenip otyr. Birinshiden, búgin nekemizdi qıdyrdyq, ekinshiden, búgin el bolashaǵy úshin mańyzdy tańdaý jasap, daýys berdik», -deıdi Beıbarys Tólegenov.

Onyń aıtýynsha, úılený toıy búgin keshke ótedi.

Atyraý oblysynda 409 949 saılaýshy 261 saılaý ýchaskesinde daýys berdi. Keshki saǵat 20:00-degi málimetke sáıkes, saılaýshylardyń 70,87 paıyzy tańdaý jasap úlgergen.

Eske sala ketelik, buǵan deıin Atyraýda úshinshi egizin kútip júrgen ana, keıin Baýyrjan Momyshuly daýys bergenin habarlaǵan bolatynbyz.

Sondaı-aq, Qazaqstannyń Eńbek Eri Іlııa Jaqanov pen jasy 100-den asqan eki ájeı úıden daýys bergenin jazǵan edik.