Atyraý oblysynda jartylaı jalańash er adam mektep-ınternat aýlasyna kirgen
ATYRAÝ. QazAqparat – Atyraý oblysynda jartylaı jalańash er adam sýburqaqty syndyryp, mektep-ınternattyń aýlasyna kirgen, dep habarlaıdy QazAqparat.
Atyraýda sońǵy eki-úsh kúnnen beri WhatsApp messendjeri arqyly qolyna kespeltek aǵash ustaǵan jartylaı jalańash er adamnyń mektep-ınternattyń aýlasyna kirgeni týraly vıdeo tarady. Vıdeoda balalar «Qarańdar, manıak!» dep alańdaýshylyq bildirgen.
«Bul vıdeo 10 jeltoqsanda Maqat aýdanyndaǵy Dossor kentinde túsirilgen. Sol kúni saǵat 15:10-da jartylaı jalańash júrgen er adam áýeli Dossor kentindegi M.Ótemisuly kóshesinde ornalasqan sýburqaqty syndyrǵan. Sodan soń polıtsııa qyzmetkerlerinen qashyp, S.Sháripov atyndaǵy mektep-ınternattyń aýlasyna kirgen. Onyń qolynda kespeltek aǵash bolǵan. Polıtsııa qyzmetkerleri 36 jastaǵy er adamdy mektep-ınternattyń aýlasynan ustady», -dep málim etti oblystyq polıtsııa departamentiniń baspasóz qyzmetinen.
Polıtsııa qyzmetkerleri adamnyń psıhıkalyq aýytqýshylyǵy bar ІІ toptaǵy múgedek ekenin, arnaıy esepte turatynyn anyqtady.
Eske sala ketelik, budan buryn Atyraýda jol apatynan eki adam mert bolǵanyn habarlaǵan edik.
