Atyraý oblysynda jantúrshigerlik jol apatynan 7 adam zardap shekti
ATYRAÝ OBLYSY. QazAqparat – «Atyraý - Oral» tasjolynda bolǵan jol apaty vıdeoǵa túsip qaldy, dep habarlaıdy QazAqparat.
Jol-kólik oqıǵasy dúısenbi kúni keshkisin «Atyraý – Oral» tasjolynda, Beıbarys aýylyna jaqyn mańda bolǵan.
Qatty jyldamdyqpen kele jatqan Lada Largus jáne Nıva kólikteri soqtyǵysqan. Kólikter qaqtyǵystyń kúshimen joldyń shetine shyǵyp ketti. Degenmen, eń bastysy olar aýdarylmaǵan jáne janbaǵan.
Mahambet aýdandyq aýrýhanasynyń málimetinshe, qos kólikte bolǵan jeti jolaýshy túrli jaraqatpen jetkizilgen. Olarǵa tıisti em-dom men kómek kórsetilip jatyr.
Oblystyq polıtsııa departamenti tolyq aqparat keıin beriletinin jetkizdi.
