Atyraý oblysynda jansaqtaý bóliminde jatqan 101 naýqastyń jaǵdaıy aýyr

ATYRAÝ. QazAqparat – Atyraý oblysynda koronavırýs juqtyryp, jansaqtaý bóliminde jatqan 101 naýqastyń jaǵdaıy aýyr, dep habarlaıdy QazAqparat.

Oblystyq densaýlyq saqtaý basqarmasynan málim etkendeı, óńirdegi 3 012 orynǵa eseptelgen ınfektsııalyq statsıonarlarda 1 568 naýqas qaýipti vırýstan emdelip jatyr.

«Qazir statsıonarlardaǵy júkteme 52%. Infektsııalyq statsıonarlardyń 114 tósek-orynǵa arnalǵan jansaqtaý bóliminde jaǵdaıy aýyr 101 naýqas oqshaýlanǵan. Onyń ishinde 11 patsıent ókpeni jasandy jeldetý appparatyna qosyldy. Mundaǵy júkteme 82,1%-ǵa jetti» -dep málim etti basqarmanyń baspasóz qyzmeti.

Eske sala ketelik, buǵan deıin Atyraýda 98 naýqas jansaqtaý bóliminde jatqanyn habarlaǵan bolatynbyz.