Atyraý oblysynda janarmaı quıý stansasynyń mańynda avtobýs janyp ketti
ATYRAÝ. QazAqparat - Atyraý oblysynda janarmaı quıý stansasynyń mańynda avtobýs janyp ketti. Órtenip jatqan avtobýstyń vıdeosy Feısbýktegi zello_atyrau paraqshasynda jarııalandy, dep habarlaıdy «QazAqparat» HAA tilshisi.
Óńir TJD baspasóz qyzmetindegilerdiń aıtýynsha, oqys oqıǵa búgin tańerteń Isataı aýdanynyń Aqqystaý aýylynda bolǵan. «PAZ» markaly avtobýs túgi qalmaı janyp ketti. Zardap shekkender joq, júrgizýshi kabınadan shyǵyp úlgergen. Órtti sóndirýge 8 adam jáne eki tehnıka jumyldyryldy», - deıdi oblystyq TJD-degiler. Aldyn ala málimetterge qaraǵanda, avtobýs jeke tulǵaǵa tıisti bolǵan.
