Atyraý oblysynda jańa zań boıynsha jeti júrgizýshi kólik júrgizý kýáliginen aıyryldy
ATYRAÝ OBLYSY. QazAqparat – Atyraý oblysynda jańa zań boıynsha jeti júrgizýshi jeti jylǵa kólik júrgizý quqyǵynan aıyryldy, dep habarlaıdy QazAqparat tilshisi.
Atyraý oblystyq ákimshilik sotynyń baspasóz qyzmeti málim etkendeı, 2020 jyldyń basynan QR Ákimshilik quqyq buzýshylyq týraly kodekstiń ózgeris engizilgen 608-baby boıynsha mas kúıinde kólik tizgindegen jeti júrgizýshiniń isi qaraldy. Sot zańnamanyń jańa talabyna sáıkes, zań buzǵandardyń barlyǵyn 15 táýlikke jazasyn óteýge jiberdi. Sondaı-aq, olar jeti jylǵa kólik júrgizý quqyǵynan aıyryldy.
Budan buryn alkogoldik ishimdik iship, kólik júrgizgen nemese jol-kólik apatyna sebepker bolǵan júrgizýshiler tek 3 jylǵa júrgizýshi kýáliginen aıyrylatyn edi.
A.Sokolov
