Atyraý oblysynda jańa mádenıet úıi ashyldy
ATYRAÝ. QazAqparat - Atyraýda qala mańynda ornalasqan Jumysker eldi mekeninde «Rýhanı jańǵyrý» baǵdarlamasy aıasynda salynǵan jańa mádenıet úıi paıdalanýǵa berildi, dep habarlaıdy QazAqparat.
«Bul - jalpy aýmaǵy 1298 sharshy metrdi quraıtyn zamanaýı ǵımarat. Jeke jylytý qazandyǵy, elektrgeneratory bar. Bastysy munda balalar da, eresekter de mádenı sharalarǵa daıyndyq jasaı alatyn keń bólmeler bar. 90 jyldardyń basynan beri Jumyskerde mádenıet úıi bolmaǵan. Sondyqtan barlyq úıirmeler mektep synyptarynda ótkizilip keldi. Endi olardy osy mádenıet úıine qaıta kóshiremiz», - dedi mádenıet úıiniń dırektory Ǵabıt Qaırekeshev.
Jańa ǵımaratqa aýyldyq kitaphana kóshirildi. Buǵan deıin kitaphana 60-shy jyldardyń basynda salynǵan ǵımaratta ornalasqan edi.
